المدونة إللي حيلتي راااااااااااحت
متستغربوش ... أنا استغربت زيكم كده تمام...
من كام يوم كده .. فتحت صفحة النت .. وكتبت عنوان مدونتي إللي كان "إهيء... إهيء..."
Dr-ne3na3aa.blogspot.com
بحسن نية ... عشان أشوف لو فيه جديد في التعليقات..
وعشان بحب أفتحها .. "متسألونيش ليه؟؟" بحب أتفرج عليها مع إني كنت حافظاها
لاقيته بيقولي مفيش مدونة بالعنوان ده ...
دخلت على بلوجر نفسه ودخلت بايميلي .. قالي مفيش حساب أصلا بالايميل ده !!؟؟
مبقتش مصدقة نفسي .. قفلت وفتحت كذا مرة .. على أمل إنها تطلعلي فجأة ...
ويقولولي الفقرة دي إتصورت متقلقيش مدونتك أهي ...تحبي نذييييييع؟؟؟
لكن للأسف محدش طلعلي ولا قالي حاجة ...
لاقيت نفسي بصرخ ....
المدونة إللي حيلتي رااااااااااااحت .. المدونة إللي حيلتي رااااحت ...
راااااااااحت ..... راااااااااحت ......
و آه آآآه ها ها ها آآآآآآآآآآآه ... على غرار جواز عتريس من فؤادة باطل ....
وياعيني ياعينيييييي ياعيني على الولاااا ....
لا لالا مش وقت شادية خاااالص .. أنا كده دخلت في سكة غلط .. "ولااا" إيه بس ؟؟
ياعيني ياعينيييي ياعيني على المدونة ...
وياعيني عليكي يانعناعة .. مع الإعتذار لأمال ماهر ....
أصل زي ماانتم عارفين طبعا إني كنت بكتب في السياسة بس كتاباتي كانت متشفرة .."هششششش"
وعشان كده لما معرفوش يوصلولي .. راحوا إعتقلوا نعناعة المسكينة بدالي...
بس على مييييييين؟؟
أنا رجعتلهم تاااااني.... هاهاهااااا
وإللي كنت بعمله كوبي على طول من مواضيعي وتعليقاتها ... هحطهم تااااني ...
لكن فيه حاجات للأسف هتكون مش موجودة ... دي إللي مش كنت عاملالها كوبي
وهحطهم بالترتيب في الأرشفة بشهورهم تااني
وهحط التعليقات كلها ... برضه إللي كنت عاملالها كوبي وبس ...
جنان بجناااااااااان بقى
عشان محسش بالغربة ... وأفتكر نعناعتي دايماً..
ويارب المدوونة الجديدة تعجبكم
وأهلاً بيكم في
PsychoOo Cafe`
هناك 6 تعليقات:
زى العسل ياسايكو....حقيقى انتى فعلا سايكو
وكويس ان مدونتك راحت عشان تعملى مدونة جديدة وعسوله وشيك اوى كدا
مبروووووووووووووك عليكى وعلينا ...ويارب تكتبى اجمل واروع كتابات فيها
بس انا مستغربة خفه الدم اللى نزلت عليكى مرة واحدة دى!!!!!!!!!!!!!
شكرا...ومبروك...واحسنتي...بس!
أنا لم أري المدونه القديمه بس ديه جامده كده حاسس إني قاعد في قهوه فعلا...
مبروك يا فندم وورينا الإبدعات أنا مستني
جميلة جدا يا نونا بجد حلوة جدا
ومبارك عليكى المدونة الجديدة يا ستى
على فكرة لونها شيك جدا جدا جدا وده طبعاً لأنى بحب اللون البنى ؛)
بجد هايلة وشعنونة يا نونا كالعادة
شكلنا كده هنفتح مستشفى قريب
جميلة اووووى يا نونا
هو أنتى يعنى عمرك عملتى حاجة وحسة خااالص
مبروك عليكى مدونتك الجديدة وأن شاء الله هتبقى احسن من التانية كفاية انك عملتيها بروح جديدة باينة فى كلامك
وفيكى حاجة متغيرة .............
أهلا بيكم يازباين الهنا .... :)
يارودي أنا طول عمري دمي خفيف بس إنتي إللي مش واخدة بالك...
بس أصلي مبكتبش أوي في الجانب ده وبالأسلوب ده ... لكن لو عاوزاني أكتبلك كده .. معنديش مااانع .. أهو أسهل برضه من العقد إللي بطلعها عليكم :d
العفو يامصطفى .. لا شكر على واجب ... وميرسي
أما أنت ياوجيه ... أحسن مااقولك ياروح .. بلاش جو الأشباح ده P:
فأهلا وسهلا بيك في الكافيه ... ويارب يعجبك وإنشاء الله تعجبك قهوتي وفناجين قهوتي
وياكريزي روووز إحنا زمايل عنير واحد .... متقلقيش .. حاجزالك جنبي :)
أما إنتي ياشوشو فأنا بتسائل ... ياترى إييييييه هي الحاجة إللي فيا متغيرة ؟؟؟
إرسال تعليق